مـنـتـديــــــــــات الـمهنـــدسيــــــن الـــتـقـنـيـــيـن
منتديات المهندسين التقنيين

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا أنضمامك لنا



دخول

لقد نسيت كلمة السر

بحـث
 
 

نتائج البحث
 


Rechercher بحث متقدم

Google 1+
زوار المنتدى

.: أنــت زائــرنــــا رقـــــم :.

الســــــــــــــــاعة
تاريخ وساعة
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 30 بتاريخ السبت يونيو 15, 2013 2:04 am
المواضيع الأخيرة
» المنتدى بحاجة الى مشرفين أنضم الى طاقم الأشراف
الإثنين سبتمبر 22, 2014 6:54 pm من طرف اسماعيل حامد

» وقفـة مهمــة لحـفـظ الحـديـث والسـنــة
الإثنين مارس 17, 2014 5:05 pm من طرف mohab_sal

» CNC & CAM Programming
الثلاثاء نوفمبر 05, 2013 7:35 am من طرف training_2012

» تحبات عطرات
الخميس أكتوبر 24, 2013 7:37 pm من طرف عثمان جكنون

» الموصلات الكهربائية
الإثنين مايو 27, 2013 4:19 pm من طرف ABDULKARIM

» Introduction about diploma cad cam
الخميس مايو 02, 2013 11:27 am من طرف training_2012

» بحث عن السدود
الأربعاء مايو 01, 2013 4:37 am من طرف نبض الحياة

» اول قناة تعليمية عن برمجة ماكينات cnc
الإثنين أبريل 01, 2013 12:23 pm من طرف training_2012

» رنامج عمل نظام متكامل لمركز خدمة و صيانة السيارات
الإثنين ديسمبر 31, 2012 12:38 am من طرف نبض الحياة

سحابة الكلمات الدلالية

الخرسانة  

الساعة الأن بتوقيت (السودان)
جميع الحقوق محفوظة لـمـنـتـديــــــــــات الـمهنـــدسيــــــن الـــتـقـنـيـــيـن
 Powered by Ahmedbabiker ®diploma.yoo7.com
حقوق الطبع والنشر©2012 - 2013

موضوع شامل عن الهكرز والحماية من الاختراق وازاي تعرف جهازك مخترق ام لا ؟

استعرض الموضوع السابق استعرض الموضوع التالي اذهب الى الأسفل

جديد موضوع شامل عن الهكرز والحماية من الاختراق وازاي تعرف جهازك مخترق ام لا ؟

مُساهمة  نبض الحياة في الجمعة أكتوبر 01, 2010 7:53 pm

البسملى
[ندعوك للتسجيل في المنتدى أو التعريف بنفسك لمعاينة هذه الصورة]

الحمد لله على نعمة الاسلام ونعمة العقل

الموضوع كله ازاي تحمي نفسك وجهاز من الاختراق بابسط الطرق كذا طريقة وان
شاء الله اي حد يحاول يخترقك او حد اخترقك فعلا ازاي تحمي نفسك وتديلو
على دماغو كمان


اولا لازم نعرف يعني ايه هكرز ويعني ايه اختراق وازاي بيتم الاختراق

ببساطة الهكرز ( حاليا وليس قديما ) هم مخربون ومدمرون

والهكرز انواع كتيرة هتكلم النهاردة بس عن هكرز الحاسبات الشخصية والشبكات

ودول اشخاص كل هدفهم التخريب والتدمير لو استغلوه صح ممكن يستخدموه ضد
اعدائنا الصهيون ولو استخدموه غلط يبقا هيستخدموه ضد اخوانا المسلمين
[size=25]ملحوظة صغيرة

معنى ان هكرز اخترق جهازك دي مشكلة كبيرة جدا لانه بيكون متحكم في كل كبيرة وصغيرة في جهازك ومراقب لكل حركة انت بتقوم بيها
ومعاه كل الباسوردات الخاصة بيه وكل الملفات اللي في جهازك بيسحبها لجهازه
ومتحكم تحكم كامل في نظامك والهارد ( ممكن يفرمته لو حب كمان ) ويمسح ويضيف اي شئ ( ممكن يحطلك فيروس في الجهاز )
ويراقب كل كلامك في المايك ولو موصل (موصلها بس مش مشلغها كمان ) كاميرا في الجهاز يشغلها ويشوفك
وكتيررررررررررررررررررررر من الحاجات اللي عمركم ما هتتخيلوها
الا حاجة واحدة بس
انهم يبوظوا الهاردوير يعني ميعرفش يحرق كارت شاشة او رامات او بروسيسور
كل ده كان زمان هو يقدر يتحكم في سوفت وير الجهاز بس لكن الهاردوير لاء

يعني بالعربي الهكرز كأنه قاعد على جهازك

ملحوظة تانية

في نهاية الموضوع ده ياريت لو حد شك او اكتشف شئ اول حاجة يعملها يفرمت الهارد ويسطب نسخة جديدة ويتبع التعليمات اللي في الموضوع

وياريت ياجماعة لو محتفظين بصور شخصية او عائلية نحتفظ بيها على فلاشة او سيديهاية اكيد انتم فاهمين ليه

طيب ازاي بقا بيتم الاختراق ؟ وازاي اعرف اني مخترق ؟ وازاي احمي نفسي ؟ وتساؤلات كتيرة

اختراق الاجهزة بيتم عن طريقين

1- ملف خبيث ( ملف تروجان ) بيسموه في عالم الاختراق " باتش "
2 - عن طريق الاي بي الخاص بك ( ودي طريقة خاصة جدا للمحترفين فقط) هشرحها بالتفصيل ان شاء الله

اولا : عن طريق الباتش

هو عبارة عن ملف تنفيذي اي يجب ان يكون بصيغة exe ... والملف ده فيه
المعلومات الخاصة بالهكرز واوامر لفتح بورت في جهازك علشان يتم الاتصال بين
جهازك وجهاز الضحية

ايه هو البورت ده .. ببساطة البورت عبارة عن منفذ
يتم فتحه في جهازك او المودم الخاص بالانترنت علشان يتم اتصال من خلال هذا
المنفذ ويتم التعبير عنه برقم

طيب هقول اغلب المنافذ اللي بيستخدمها الهكرز للاتصال بجهازك وازاي تقفل المنافذ دي

1 - المنفذ الأول (81) منفذ خاص ببرنامج الاختراق الشهير Bifrost
2 - المنفذ الثاني 3460 وهو خاص ببرنامج الاختراق الشهير Poison
3 - المنفذ الثالث 5110 وهو خاص ببرنامج الـ prorat
4 - المنفذ الرابع 3410 لخاص ببرنامج الـ اوبتكس
5- البورت الخامس 1243 او 27374 وهو خاص ببرنامج الـ sunseven

وملايين من المنافذ واللي ممكن يغيره الهكرز على مزاجه بس بردو هنعرفه ونقفله ان شاء الله

في الغالب بيكون حجم ملف الباتش من 30 كيلو بايت ل 300 كيلو بايت

والباتش ده علشان يشتغل لازم انت تدوس عليه بنفسك وغالبا مبيظهرش حاجة او نادر جدا لما يظهر رسالة خطأ

بس بعدها بتحس ان جهازك بقا تقيل جدا رغم امكانياته العالية حتى لو راماتك اربعة جيجا بعد ما تدوس على الباتش مباشرة

طيب ناس ممكن تسأل هو انا مش ممكن اسطب انتي فيروس وهو يحميني ؟

اقلهم لاء مش في الاوقات .. لان ببساطة كل حاجة الهكرز وجدوا ليها حل
بالنسبة للانتي فيروس بقا ( يشفروا ) الباتشات من القيم الخبيثة بحيث
مفيش انتي فيروس يكشف الباتش ده

واقوى برامج الانتي فيروس واللي بيلاقوا صعوبة في التشفير ضدها واللي غالبا مش بتنجح هو

avast وبرنامج avira

يعني ممكن حضرتك مسطب انتي فيروس وعامل ابدات تمام وواحد اخترقك متعرفش ازاي

كل المبتدئين في الهكرز بيبعتوا ملف الباتش صريحة كده للضحية واللي غالبا بيكونوا مش فاهمين ايه ده

طيب والهكرز المحترفين ؟

دول بقا مشكلتنا ليهم كذا طريقة يبعتوا لك الباتش ويخترقوك من غير ما تحس هقولكم اغلب الطرق

1 - يغيروا ايقونة الملف وتبقا شبه ايقونة الصورة او اي ايقونة علشان كده لازم نشوف صيغة الملف غالبا بتكون exe
ولو فتحنا properities بتاع الملف هنلاقي مكتوب application معناه انه
ملف تنفيذي وليس صورة كما اوهمونا ولو شغلناه مش هيفتح حاجة لا صورة ولا
اي نيلة

2 - الدمج : وهو دمج الباتش في برنامج تنفيذي
البرنامج ماهو الا ملف بداخله العديد من الملفات التابعة للبرنامج
فاستغلوا الموضوع ده وبقوا يدمجوا ملف كأنه ضمن ملفات البرنامج او يتم
دمجه ضمن ملفات مضغوطة ذاتية SFX فلما تفك الضغط الباتش بيتفك معاه بس
بيروح لمكان معين

والدمج انواع كتيرررررررررررة جدا هدفها الرئيسي انك تكون مطمن ومتشكش في انه تم اختراقك وهنشرح بالتفصيل الحل
3 - التلغيم : ودي بقا اهم واصعب الطررررق والهكرز اللي يوصل للمرحلة دي يقدر يعمل اي حاجة بعدها

تعرفوا ليه ؟

لاننا بندوس على ملايين الروابط يوميا وبنحمل ملايين الملفات وبنفتح
ملايين الصور وعمرنا ما شكينا لحظة ان الرابط او الملف او الصورة دي متلغمة


وده يفسر لكم كتير ايميلات غريبة بتضيفكم وتبعت لكم روابط وتلاقوا كذا صفحة فتحت وهدفهم الرئيسي هو الاختراق

الطريقة انهم بيستغلوا الثغرات ( الثغرة هي عيب برمجي في اي منتج سوفت وير ) الموجودة في المتصفحات

يعني فيه ثغرة للفايرفوكس وثغرة للاكسبلورر 6 و 7 و 8

بيستغلوا الثغرة الموجودة في المفضل ليك ويدمجوا كود خبيث مكان الثغرة
واللي عمرك ما هتكتشفها والكود ده فيه اوامر بتحميل وتنصيب الباتش

يعني الملخص حضرتك هتدوس على رابط مجهول او تستعرض صفحة او صورة لمواقع مشبوهة وغير موثوق فيها ... وتلاقي نفسك بقيت مخترق

اطمنوا مش اي رابط طبعا ولا اي موقع صور هيقدرو يخترقوك منه

يعني لو حط ادالك رابط لمنتديات مترو مثلا اكيد مش متلغم او رابط فيس بوك

بخصوص اليوتيوب سمعت انهم اكتشفوا طريقة يلغموا بيها الفيديوهات نفسها
بطريقة معينة وبثغرة في مشغل الفلاش activeX يقدروا يخترقوك
>>> منهم لله الواحد مبقاش يآمن كمان لليوتيوب

طيب كده خلصنا من الطريقة الاولى بتاع الباتشات

الطريقة التانية وهي عن طريقة الاي بي

زي ما قلت دي طريقة محترفين واحنا معرضين لاي حاجة فهقلكم ازاي بتم بالظبط

اولا الاي بي هو عنوان ليك على الانترنت وغالبا بيتكون من اربع نقاط كل نقطة بها تلات احداثيات XXX.XXX.XXX.XXX

مع استبدال الـ x باي رقم عشوائي من 0 لـ 9

وكل جهاز متوصل بالانترنت ليه اي بي محلي واي بي دولي

الاي بي المحلي وهو الخاص بيك وغالبا ما يكون بيبدأ ب 192.168.1 او 127.0.0

الاي بي الدولي حسب الدولة والشركة المستضيفة مثلا لو شركة تي اي ومصري هيبقا بدايته 41.232 ووممكن يختلف بردو

الاي بي الدولي بيتغير لو فصلت الروتر تلقائيا

وفيه برامج كتيرة لاخفاء الاي بي او تغييره كليا بمفتاح البلد لو فيه مثلا موقع محظور لدولة معينة عن طريق الاي بي

طيب نرجع لموضوعنا

ازاي بيتم الاختراق عن طريق الاي بي?

ببساطة الطريقة دي محتاج تلت حاجات 1 - الاي بي بتاعك 2 - منفذ مفتوح في جهازك 3- ثغرة في الويندوز بتاعك او اي برنامج انت مسطبه وغالبا بيعتمدوا على ثغرات الويندوز لان اغلبنا مسطب ويندوز وشرحنا يعني ايه ثغرة

والطريقة دي صعبة جدا ونسبة نجاحها ضئيل جدا بس لو نجحت بتكون ضربة معلم
لانهم بيسموها ( الاختراق المستهدف ) يعني عاوزين يخترقوا شخص معين
فبيخترقوه عن طريق الاي بي وهقولك ازاي تخلي نسبة اخترقك بالطريقة دي 0 %


طيب اتكلمنا كتيررررررررر عن الاختراق والهكرز نتكلم بقا عن الحماية من الاختراق

فيه طرق كتيرة حاولت اجمعها لكم والطرق شغالة 100 % ان شاء الله

اولا : لازم نسطب انتي فيروس ونعمله ابدات وياريت يكون avast او avira وهتلاقوا احدث النسخ في المنتدى ان شاء الله
ثانيا : برنامج مضاد للتجسس ودي كتيرة بردو في
المنتدى و نعمل ليها ابدات ونفحص كل الجهاز من ملفات التجسس واشهر البرامج
Antisipyware doctor و antitrojan elite والعديد

ثالثا : تشغيل جدار الحماية الخاص بالويندوز او تسطيب جدار حماية اخر وانصحكم ببرنامج outpost firewall او zone alram


رابعا : عدم فتح روابط من مصادر مجهولة او عنواين مبهمة وخصوصا لو كانت بهذه الصيغة exe >

خامسا : عدم استقبال اي ملفات تنفيذية تنتهي بهذه الصيغة exe او com من اشخاص غير موثوق فيهم او مجهولين

ولو شكيت في ملف معين هتفحصه بالانتي فيروس وبرنامج مكافح التجسس

ياجماعة اقلكم ايه بلاش حتى تستقبلوا حاجة من اصدقائكم الفترة دي بالذات
لان ممكن يكون حد مخترق ايميل صاحبك ويبعت لك الملف وانت واثق في صاحبك
انه مش ممكن يضرك

فعلى الاقل اتصل بصاحبك او خد منه اماراه انه صاحبك


طيب نعرف ازاي ان حد مخترقك ؟

اول طريقة :

عن طريقة الـ processes يعني العمليات النشيطة في جهازك والبرامج المفتوحة وخلافه

ممكن ببساطة تدوس ctrl + alt + del في لوحة المفاتيح وتختار process وتشوف العمليات النشيطة في جهازك

اكيد كتير مننا مش فاهم هي ايه دي بالظبط

علشان كده انا سهلت عليكم وجبت لكم برنامج صغير وجميل مسئول عن كشف
العمليات وهيحط لك خط أحمر على العمليات المشبوهة او عمليات التجسس

دي صورة البرنامج وجهازي نضيف ومفيهوش اي حاجة
[ندعوك للتسجيل في المنتدى أو التعريف بنفسك لمعاينة هذه الصورة]


وانا دلوقتي رحت مشغل باتش في جهازي وشغلت البرنامج لاحظت حاجة غريبة اوي

ملقتش عملية تجسس مفتوحة في البرنامج ومش مشاور على حاجة خط احمر

انا طبعا ما استغربتش لاني عارف ايه السبب

الهكرز عملوا حساب كل حاجة راحوا دامجين العملية الخاصة بالباتش ببرنامج
الاكسبلورر او الماسنجر لان مفيش جهاز مفيهوش البرنامجين دول

طيب انت سيادتك هتقفل كل البرامج اللي مفتوحة في جهازك وتعمل exit لكل
البرامج اللي جنب الساعة ماعدا الانتي فيروس والصوت طبعا وتفتح برنامج
البروسيس ده

عملت كده لقيت عملية لبرنامج iexplorer.exe وانا اصلا مش مشغل صفحات نت ولا مشغل البرنامج

فهي دي العملية الخاصة بالباتش بس مخفية في هيئة برنامج عادي

على طول رحت دايس ديليت في الكيبورد او كليك يمين واختار kill process

شوفوا الصورة هتلاحظوا اني مش مشغل اي صفحة انترنت اكسبلورر والعملية موجودة

[ندعوك للتسجيل في المنتدى أو التعريف بنفسك لمعاينة هذه الصورة]

وممكن لما تقفلوا برنامج الماسنجر من جنب الساعة تلاقو عملية msnmsgr.exe مووجودة يبقا اكيد دي باتش

والعلاج قلنا نقول كيل بروسيس او ديليت من الكيبورد

تحميل برنامج process xp برنامج جميل في كشف العمليات بطريقة سهلة والاهم هو الاشارة بخط احمر لعمليات التجسس
[ندعوك للتسجيل في المنتدى أو التعريف بنفسك لمعاينة هذا الرابط]
8 سيرفرات اخرى
[ندعوك للتسجيل في المنتدى أو التعريف بنفسك لمعاينة هذا الرابط]
تاني طريقة :

الريجستري

اي باتش بيزرع قيمة في الريجستري

احنا هنفتح الريجستري بتاعنا واقلكم ازاي تشوفوا قيمة برامج الهكرز

نفتح قايمة start ونختار run ونكتب regedit هتظهر لنا صفحة زي دي
غالبا بس مش دايما القيمة بتتحط باسم برنامج الاختراق

طبعا انا اخترقت نفسي ببرنامج اسمو bifrost ونزلت القيمة بمجلد باسم البرنامج زي الصورة اللي قدامم
[ندعوك للتسجيل في المنتدى أو التعريف بنفسك لمعاينة هذه الصورة]

فانا عملت ديليت علشان امسح القيمة الخبيثة دي

طيب فيه برامج كتيرة وممكن الهكرز المحترف يغير اسم المجلد في الريجستري لاسم غير مشكوك فيه زي Microsoft مثلا

طيب يعني اهي طريقة وخلاص ممكن نكشف بيها حاجة

ودي قايمة باشهر اسماء برامج الاختراق وندور فيها بنفس المسار اللي وريتهولكم فوق

Bifrost
Poison Ivy
ProRat
Subseven
Optix
Spynet

وكتيرررررررر


طريقة تالتة :

نبحث في مجلد الويندوز عن ملف اسمه server.exe ولو لقيناها نمسحه فورا

طريقة رابعة :

عن طريق المنافذ المفتوحة في جهازك والايبهات المتصلة من خلال هذا المنفذ
وكيفية اغلاق المنفذ ومعرفة اي بي المخترق وازاي نتعامل مع الاي بي ده
علشان نديلو على دماغو


فيه برامج كتيرة ومواقع كتيرة لكشف جميع البورتات ( المنافذ )المفتوحة في جهازك والعمليات المتصلة بالمنافذ دي

واخطر المنافذ اللي ذكرناها فوق واللي لازم نشوف كويس نوع العملية المتصلة بالبورت

وده برنامج لكشف كل البورتات المفتوحة والعمليات المتصلة


[ندعوك للتسجيل في المنتدى أو التعريف بنفسك لمعاينة هذا الرابط]

8 سيرفرات اخرى
[ندعوك للتسجيل في المنتدى أو التعريف بنفسك لمعاينة هذا الرابط]

اي عملية متصلة باي اي بي خارجي او مثلا عملية مش معروفة او مثلا عملية
انترنت اكسبلورر او ماسنجر شغالة ببورت واحنا اصلا قافلين البرنامج نقفل
على طول البورت ونطرد العملية من البرنامج


طريقة خامسة ودي للحماية فقط :

برنامج firewall بس خطير جداااااااا وهو برمجة عربية والبرنامج متخصص في التنبيه عند اضافة قيمة ريجستري

لو دوست على اي حاجة بتدي قيمة ريجستري هيبعت لك رسالة حمرا ويقولك تم اضافة مفتاح جديد ويبين لك مسار الملف اللي مربوط بالقيمة دي

طيب لو مثلا دوست على باتش ومتعرفش وظهرت لك رسالة تختار الاول مشاهدة
مسار الملف و لو لقيته ملف باتش وملوش علاقة ببرنامج او ملف ويندوز تروح
فورا للمسار وتمسح الملف ده

وتشوف القيمة بردو اتحطت فين وتروح لنفس المسار وتمسح القيمة من الريجستري

لتحميل الفايروول من هنا

اسف ولكن اكتشفت ان بعض برامج الانتي فيروس بيعتبر
البرنامج فيروس بس هو مش فيروس لكن بيقوم بعملية غير شرعية وهي حراسة
الريجستري وده لانه برمجة عربية وبرامج تاني بتعتبره عادي ومن ادوات
الهكرز للحماية لو الادارة وافقت انزله تاني اوك
البرنامج اسمو TiGer Firewall



وتقدروا تحملوا اي برنامج فايروول اجنبي تاني وانصح بـ Outpost firewall
او zone alarm رغم اني متأكد انه مش بنفس القوة ولا الفكرة الجميلة بتاع
البرنامج ده

طريقة سادسة

فيه مواثع كتيرة متخصصة في فحص جهازك بالكامل وحمايته من ملفات التجسس
وتنبيهك بالبورتات المفتوحة وتبليغك باذا كنت تريد غلقها ام لا

وبعض المواقع المفضلة ليا اهي
[ندعوك للتسجيل في المنتدى أو التعريف بنفسك لمعاينة هذا الرابط] خاص بشركة symantic الصادرة لبرنامج norton
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
وملايين المواقع


طريقة سادسة ودي كشف الملفات الملغومة

يعني لو عندك ملف شاكك فيه هتختار الملف اللي شاكك فيه وتقوله اكشف وهو هيكشف لك لو الملف ده مدموج معاه باتش او لاء

ونصيحة مني اي كيجين او كراك نفحصه بالبرنامج ده ولو قال سليم يبقا
تمام لو قالك مدموج نقوله امسح ونشغله بعد المسح ونبقا خدنا الفايدة
وادينا للهكرز على دماغهم


البرنامج من هنا

نفس الموضوع في البرنامج اللي قبله بعض برامج الانتي
فيروس بيعتبره فيروس مش عارف ليه مع انه برنامج بيحلل الملفات بس مش اكتر
ولكن علشان هو برمجة احد الهكرز العربيين فاكيد مش برمجة كاملة واسف
اكتفوا بالفحص ببرامج الانتي فيروس العادية
البرنامج اسمو Coffin of evil anti binder


ياجماعة بجد انا تعبت في الموضوع ده والله واكيد فيه ناس مش هتفهم كل الكلام بس على الاقل اتعلمنا حاجة جديدة

وانا عامل الموضوع ده مخصوص علشان الهكرز الجزائري

والمرة الجاية انشاء الله اشرح اخترق المواقع وازاي نحمي موقعنا وحماية السيرفرات والخ


وانا معاكم لاي استفسار ان شاء الله واي حد شاكك ان جهازه مخترق او مثلا
فيه ملفات شغلها في جهازه ومش واثق فيها يكلمني وان شاء الله اساعده

ونصيحة مني محدش يعتمد بس على الانتي فيروس لان الهكرز بقوا يشفروا الباتش ضد حمايات كتيرة وصعب ينكشف بسهولة

علشان كده لو حد اكتشف باتش يبعتهولي وانا هبعته لشركات الانتي فيروس
واحلله واعرف الاي بي بتاع الهكرز وابعته لشرطة مكافحة الاختراق وسرقة
المعلومات
فراش فراش
مع التحية
أضف رد

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
avatar
نبض الحياة


تابعنا تابعنا : http://www.facebook.com/pages/%D9%85%D9%87%D9%86%D8%AF%D8%B3%D9%8A%D9%86-%D8%A7%D9%84%D8%AF%D8%A8%D9%84%D9%88%D9%85-%D8%A7%D9%84%D8%AA%D9%82%D9%86%D9%8A/151006381598853
أحترام قوانين  المنتدى أحترام قوانين المنتدى : المدير العام
الهوايــــــــــات : أتطلع بكل ماهو جديد
بشتغل في : في مجال الهندسة الميكانيكية
أعيش في : الســـــــــــــــــــــــودان - بورتســـــــــــــــــودان
العمل/الترفيه : مهندس
الابراج : السرطان
الأبراج الصينية : القط
عدد المساهمات : 294
نقاط : 65373
تاريخ التسجيل : 26/08/2010
الموقع : مهندسين الدبلوم التقني
العمر : 30

بطاقة الشخصية
رمي النرد :
5/5  (5/5)

http://www.abm7.yoo7.com 0914614568

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى